Hmong Sab Song Nonstop 2017

 https://youtu.be/vArlt28lXr4
 Nkauj Kho Siab

loading...

                   Paj Huam Nkauj Nraug

Paj Huam Blog Nkauj Nraug
Yuav Ntev npaum twg kuv mam hnov qab koj?
Ntev npaum twg mam hnov qab koj
Kuv xav zoj tias ua ib siab
Tawm xyoo tshiab mam txhob nco lawm
Mam li tawm mus nrhiav lwm tus
Los lo lus tshuas hais tau xwb
Lub siab twb tsis kheev tsis kam
Kaus loo pam pw tsis tsaug zog
Vim xav txog koj tas mus li
Nco thaum i wb tseem sib hlub
Wb niaj hnub taug kev ua si
Tham luag ntxhi txhua hnub txhua hmo
Tav li no los nws tsis ploj
Kuv xav zoj tias twb dua lawm
Lub sij hawm twb tau dhau mus
los tej lus wb tau hais cia
Haj tseem ntsia chob hauv kuv siab
Ua tshuaj iab txhua zaus tseem qaug
Rov mus taug wb tej chaw qub
Tsis muaj hnub yuav rov tau nyob
Kuv siab mob ntxhov zooj zem zuag
Qhov tsis tuag yog sia lawm xwb
Txawm koj twb hnov qab txog kuv
Muab luag xuv pauv kuv thaj chaw
Los tseem kaw zoo hauv kuv hlwb
Puag thaum wb tseem nyob ua ke
Zaum no ntshe yuav tuag kiag los
Siab tseem tos tseem hlub tshua koj
Lub ntuj loj kev los kuj dav
Txoj kev xav nws txawv lub siab
Tsawg hnub thiab hli txawm yuav dhau
Tshem tsis tau koj hauv kuv siab
Hnub twg thiab mam hnov qab koj os nplooj siab

            Lub Suab Kho Siab 2017

Nkauj Kho Siab - Hmong New Song                            2017

Nkauj hmoob zoo nkauj, nkauj hmoob toj siab 2017. 

              Hmong New Movies

              Lub Neej Ua Ntsuag

                        Blog Kev Hlub


Suab Blog Kev Hlub

             https://youtu.be/966bFmwclCs

Lub Neej Ua Ntsuag

Kuv : Xyooj Xeem Hmoob Lis
Kuv yug los ua neej nyob rau hauv ib tsev neeg. Kuv niam tau tso kuv txiv peb thaum kuv tseem me me, kuv muaj ib tus kwm yau thiab ib tus muam yau thiab, peb ua lub neej ntsuag tsis muaj niam hlub.

Kuv txiv peb cov txiv tub ua lub neej tsis muaj niam hlub, ua neej ntsuag tau ntau lub xyoo, txawm peb tsis muaj niam los kuv txiv yeej hlub peb cov nus muag heev li. Tiam sig txij thaum kuv muaj 15 xyoos kuv mus tham tau hluas nkauj,kuv mus yuav niam yau los ua peb niam, peb niam yau yos ib tus nkauj xwb. Txij thaum kuv txiv mus yuav niam yau los, niam yau tsis hlub peb cov nus muag li, niam yau muab peb ua qhev ib hnub dhau ib hnub.
Niam yau los nrog kuv txiv peb nyob tau li 2 lub xyoo, niam yau khiav mus lawv neej tsa lawm, lub sij hawm no kuv txij keeb niam yau mus lawm thiab, cia peb cov nus muag nyob ua ntsuag tsis muaj niam tsis muaj txiv hlub. Lub sij hawm no kuv muaj 16 xyoo yos tus tub lob nyob rau hauv ib tsev neeg. Kuv yuav los ua niam ua txiv rau kuv tus muam yau thiab tus kwv yau. Kuv xav mag tu siab heev li cov phooj yws.

Kuv lub kua muag los, kuv qua, los tsis muaj neeg so kuv hlub kua muag. Kuv nco kuv niam heev li, muaj ib hnub kuv thiaj li mus saib kuv niam tim ntxa. kuv qua heev. tiam sig tsis pom kuv niam los qhov tws los li. Lub sij hawm ntawm los kuv thiaj xav hais tiag cia kuv mam li los tab lub cua ntses lub yis.

Peb cov nus muag sib pab ua lb neej zoo li no los tau 2-3 xyoo. Kuv tus muam yau thiab kwm tseem niaj hub mus kawm ntawm. Muaj ib hnub kuv tus kwm los hais rau kuv hais tiag tij laug cia kuv so ntawm kuv los pab koj ua teb, kuv thiaj li hais tiag me kwm a siv zog rau siab mus kawm ntawm thiaj li pab tau peb lub neej mus rau yav tom ntej, Kuv yeej paub hais kuv ib leeg khwv xwb tej lub si hawm kuv tsis muaj nyiaj rau tus muam yau thiab kw yau mus kawm ntawm. kuv xav mag tuj siab heev li. Cag peb ua lub neej los nyob hauv lub ntiaj teb no tsis muaj kev ncaj nceg li.

Kuv mus pom luag muaj niam thiab muaj txiv lub neej twb tsis kho siab li kuv. 3 lub xyoo dhau los mus, Kuv mus yuav tau ib tus nyab los pab kuv lub neej. Thaum kuv mus yuav nyab los kuv tsis muaj nyiaj kuv thiaj li mus thov kuv txiv ib qho nyiaj, lub si hawm no kuv txiv hais rau kuv tiag kuv txiv tsis muaj nyiaj thiab, tiam sig kuv yeej paub tiag kuv txiv muaj nyiaj tau, Kuv muab xav los mag zoo li kuv tsis yos kuv txiv yug li lawm os. Kuv poj niam wb thiaj li khwv tau 3 lub xyoo rov tom qab wb mam li thev kuv li kev tshoob kog tag. lub

Kuv poj niam wb ua lub neej tsis muaj dab tsi li, nyob txom nyem heev li, tiam sig kuv hlub kuv tus kwv yau heev thiab tus muam yau heev li, kuv xav kom 2 tus rau siab mus kawm ntawm.

Lub si hawm no kuv tus muam yau muaj 19 xyoos, tus kwm muaj 18 xyoo. pib yuav mus kawm ntawm nyob rau qeb siab, kuv mag nyuaj siab heev li os, tsis paub yuav ua li cag thiaj li muaj nyiaj rau, kuv xav mag mob lwb heev li cov kwv tij. Kuv poj niam wb ua lub neej nyob khaub lab heev li, tiam sig kuv xav kom kuv tus kwv thiab tus muam mus ua nom ua tswv li luag.

Tiam sig kuv poj niam yos tus pab kuv loj heev, wb khwv li cag los kuv poj niam tsis xav li cag li.

6 lub xyoo dhau los, kuv tus kuv kawm tiav tub ceev xwm. pib yuav mus ua hauj lwm teb chaws.
                                  Kuv tus muam kawm tiav kws kho mob (doctor).
Kuv xav peb lub neej vam meej zuj zug mus rau yam tom nte li luag. Lub sij hawm no kuv tus muam yau mus yav txiv lawm, tiam sig kuv tus muam yau yeej hlub kev heev li, kuv xav hais tiag kom nws mus ua lub neej kom zoo, nco txog ib tus dab laug li kuv no xwb ceg twb zoo zoo lawm.
Nyob ntawm kuv tus kwm yau los kuv xav kom koj rau siab ua koj lub yuag hauj lwm, hauv lub vaj lub tsev kuv mam li ua.

2 xyoo dhau los, lub sij hawm no kuv txiv tus niam yau tau muab kuv txiv tso tses tsis yuav kuv txiv lawm, ua rau kuv txiv tsis muaj chaw nyob. Kuv txiv thiaj li rov qab los thov kuv poj niam wb los nrog wb nyob zov wb tej me nyuam. Kuv muab xav los zoo li tsis yos kuv txiv li lawm, lub si hawm kuv txom nyem heev kuv txiv mus dua tws lawm, kuv chim siab heev kuv thiaj li tau khiav mus saib kuv tus muam thiab tus yaum yij 1 hmos, kuv tus muam hais rau kuv tiag ua ib siab tsis xav dab tsi, txawm li cag los kuv txiv yeej yos peb txiv yug peb. cia rov qab los nrog koj nyob tsis muaj dab tsi lawm os dab laug.

Kuv lub neej muab piav los xaus li no
Thov kom cov muaj niam muaj txiv hlub, nej paub hlub nej niam thiab nej txiv, hlub nej tej me nyuam nawb mos.

Sau npe: Xyooj Xeem Hmoob Lis